mr.hamo ..:: | المراقب العام | ::..
[ جــنسٌسيًٍ ] : [ مُششٍْشًآاركًاتيٍي ] : 507 [ تـــآارييخ آلتسِسٍسٌجيل ] : 28/07/2011 [ عـٌـــمْــرٍي ] : 34
| موضوع: انت عايش ليه ؟ الأحد أكتوبر 16, 2011 2:17 pm | |
| انت عايش ليـه ؟
انت عايش ليـه ؟
سألت نفسك قبل كده : إنت عايش ليه ؟
طيب ليه انت بتكِد و تتعب ؟
علشان تجمع الأموال و الفلوس و يكون عندك رصيد في البنك و بيوت و عربية ؟ و لا علشان تأكل و تشرب و تنام ؟ و لا علشان تتجوز و تجيب عيال ؟ ولا علشان يبقالك مكان في الدنيا و تبقى حاجة كبيرة ؟ ولا علشان تبقى مشهور و ليك منصب تأمر و تنهي و معاك فلوس كتير ؟ ولا علشان تظبط نفسك مع البنات ؟ و تبقى استاذ في العلاقات و معاكسة البنات ؟ و طبعاً البص عليهم و لا علشان تشرب سجاير أو خمرة و مخدرات ؟ و لا علشان تلبس على الموضة ؟ و تبقى واد آخر حاجة و شيك ؟
جاوبني بالله عليك
ممكن تكون إجابتك واحدة من اللي فوق لكن يا ترى هي دي الإجابة الصحيحة ؟
علشان تعرف إنت عايش ليه ؟ لازم تعرف إنت اتخلقت ليه ؟ و علشان تعرف إنت اتخلقت ليه ؟ لازم تعرف مين اللي خلقك ، و خلقك ليه ؟
طيب مين اللي خلقك ؟ طبعاً اللي خلقك هو الله سبحانه و تعالى طيب تعالى نشوف ربنا سبحانه و تعالى خلقك ليه ؟
ربنا سبحانه و تعالى بيقول في القرآن الكريم " و ما خلقت الجن و الإنس إلا ليعبدون " اه ، يبقى انت مخلوق علشان تعبد ربنا
طيب إسأل نفسك كدة انت بتعبد ربنا ولا لأ ؟ هاتقولي طبعاً باعبده ، هاقولك إزاي ؟ بتعبده إزاي ؟ ياترى إنت بتصلي ؟ إيه ؟ مش بتصلي ؟!! مش بتصلي إزاي ؟
طيب هاتعمل إيه مع كلام النبي صلى الله عليه و سلم و الحديث اللي بيقول : " العهد الذي بيننا و بينهم ترك الصلاة ، فمن تركها فقد كفر "
ولا الحديث التاني اللي بيقول : " بين الرجل و بين الشرك و بين الكفر ترك الصلاة " عارف ده معناه إيه و إنت مش بتصلي ؟
يا مصـيـبـتـك
الحق نفسك لاحسن تموت و قوم صلي و بعدين استنى الاذان اللي بعد كده و اجري على المسجد و صلي
الحق نفسك ، و نجي نفسك من نار جهنم
و إن كنت بتصلي ، ياترى بقى بتصلي كام صلاة في وقتها و في المسجد ؟
طيب و لو إنت بقى مش بتصلي الصلوات في وقتها و في المسجد و بتجيب الظهر مع العصر و المغرب مع العشاء ، و الفجر طبعاً بعد الشمس ماتطلع
لو انت كده ، هاتعمل ايه مع الآية اللي بتقول : " فَوَيْلٌ لِلْمُصَلِّينَ * الَّذِينَ هُمْ عَنْ صَلاتِهِمْ سَاهُونَ " آآآآآآآآه ، ويل : المقصود بيها العذاب الشديد العذاب الشديد للي بيسهو عن الصلاة اوعى تكون فاكر إن اللي بيسهو عن الصلاة يعني بينساها .. لأ اللي بسهو عن الصلاة هو اللي بيهملها و مش فارقة معاه صلاها في وقتها و لا لأ ، و مش بيصليها في جماعة في المسجد و ده اللي قالوه المفسرين
هل انت بقى الصلاة مش بتفرق معاك صلتها في وقتها ولا لأ ؟ و صلتها في المسجد و لالأ ؟
هل انت من اللي ربنا سبحانه و تعالي توعدهم بعذاب شديد ؟
الحق نفسك ، و نجي نفسك من نار جهنم و اعمل اللي انت مخلوق علشانه اللي هو العبادة أول عبادة و أهم عبادة هي الصلاة هاتقعد مضيعها كتير ؟
| |
|